ATƏT sədri Cənubi Qafqazdakı münaqişələrdən danışdı

09.07.2015 14:44 Dünyadan reaksiya 1773

“ATƏT Moldova və Cənubi Qafqazda olan uzun sürən münaqişələrin həlli üçün müvafiq formatlar çərçivəsində dialoqlar vasitəsilə işlər aparmaqda davam edir”.

APA-nın məlumatına görə, bunu ATƏT-in fəaliyyətdə olan sədri, Serbiyanın xarici işlər naziri İvitsa Daçiç ATƏT PA-nın Helsinkidə keçirilən yekun iclasında deyib.

O, həmçinin qeyd edib ki, ATƏT təhlükəsizlik kontekstində dialoq və əməkdaşlığın, sülhün təşviqinə dair regionda aparıcı rol oynayır.

"Münaqişələrin həlli bütün əsas aktorlardan öhdəliklər tələb edir. ATƏT hərbi gərginliyin azaldılması və münaqişələrin fəsadlarından əziyyət çəkən əhalinin vəziyyətinin yaxşılaşdırılmasına töhfə verir", - deyə ATƏT sədri vurğulayıb.