Savçenkonun prezidentliyi gündəmə gəldi

27.05.2016 16:37     Dünyadan reaksiya     875

Ali Radanın deputatı, Rusiya əsirliyindən yenicə azad olunmuş Nadejda Savçenko prezidentliyə hazır olduğunu bəyan edib.

Axar.az xəbər verir ki, Savçenko hazırda keçirdiyi mətbuat konfransında jurnalistlərin suallarını cavablandırır:

“Əgər ukraynalılar məni prezident kimi görmək, siyasi xadim olmağımı istəyirsə, siyasətlə məşğul olaram”.

Xatırladaq ki, 2 gün öncə Ukrayna Prezidenti Pyotr Poroşenkonun rəsmi saytında Nadejda Savçenko ilə bağlı müraciət yayımlanmışdı. Poroşenkoya ünvanlanan məktubda Savçenkoya prezident postunu güzəştə getmək xahiş edilirdi.
 
"Nadejda Savçenko - məhz belə insanlar bizim dövlətimizi idarə etməlidir", — müraciətdə qeyd edilmişdi.