Bundestaqda "erməni soyqrımı"nı tanımayan yeganə deputat

02.06.2016 17:59     Dünyadan reaksiya     1250

Almaniya Bundestaqında 1915-ci il hadisələri ilə bağlı qətnamənin əleyhinə səs verən yeganə millət vəkilinin adı bəlli olub.

Reaksiya.info axar.az-a istinadən bildirir ki, sözügedən millət vəkili hakim Xristian Demokrat İttifaqı Partiyasının üzvü Bettina Kudladır.
 
O, açıqlamasında bu məsələnin Almaniya parlamentinin vəzifəsi olmadığını bildirib:
 
"Məsələyə qiyməti Türkiyə və Ermənistan verməlidir. Türkiyə ilə əlaqələr bu qərardan sonra korlanacaq".
 
Qeyd edək ki, bir saat öncə Almaniya Bundestaqı 1915-ci il hadisələrini "erməni soyqırımı" kimi tanıyıb. Səsverməyə çıxarılan qanun layihəsinin əleyhinə yalnız bir deputat səs verib, bir deputat isə bitərəf qalıb.