Tailand Türkiyədəki səfirliyini bağladı - VİDEO

10.07.2015 17:18     Dünyadan reaksiya     1634

Tailand dünən İstanbuldakı fəxri konsulluq binasına hücumdan sonra Ankaradakı səfirliyini müvəqqəti olaraq bağlamaq qərarına gəlib. 

Reaksiya.az xəbər verir ki, bu haqda məlumatı “haberler” saytı yayıb.

Məlumata görə, Ankaradakı Tailand səfirliyi və İstanbuldakı fəxri konsulluq bu gün müvəqqəti olaraq bağlanılıb.

Qeyd edək ki, Şərqi Türküstan Maarif Dərnəyinin 200 nəfər üzvü Tailandda saxlanılan və sonradan Şərqi Türküstandan Çinə ekstradisiya edilən uyğurlara görə Tailand Krallığının Baş Konsulluğu binasına hücum etmişdi.

Baş verən hücumda fəxri konsulluq binasının qapısını və şüşələrini qıraraq içəriyə girən nümayişçilər içəridəki qovluq və sənədləri küçəyə tökmüşdülər.