Ermənistanın yeni casus təyyarəsi - FOTO - VİDEO

11.07.2015 11:05     Dünyadan reaksiya     2056

Ermənistan Avstriyanın “Diamond Aircraft Industries” şirkətinin istehsalı olan “Diamond DA42 Twin Star” təyyarəsi alıb.

“Milkavkaz” forumunda ermənilər Erebuni aeroportunda saxlanılan bu təyyarənin fotosunu paylaşıblar. Fotoda hərbçilərin də yer alması təyyarənin Ermənistan Müdafiə Nazirliyi tərəfindən alınması ehtimalını ortaya qoyur.

İki mühərriki olan “Diamond DA42 Twin Star” təyyarəsi hazırda dünyada təlim-uçuş və hərbi qurumlarda patrul təyyarəsi kimi istifadə olunur. Maksimum 5400 metr hündürlükdə uçan olan “Twin Star”ın boş çəkisi 1251 kq, faydalı yükü 532 kq, kreyser sürəti 277 km/saat, uçuş uzaqlığı 1475 km-dir.

Təyyarənin bir ədədinin qiyməti 600 min ABŞ dolları təşkil edir. 


Erməni gənc “Diamond DA42 Twin Star” təyyarəsinin yanında

Bu təyyarələr 300 kiloqrama qədər yük götürə bilir və saata 350 kilometrə qədər sürət yığmağ imkanına malikdir. “Diamond DA42 Twin Star” təyyarəsinin uçuş müddəti 28 saat təşkil edir. Təyyarənin havada maksimum 9,2 min metr qalxmağı bacarır. Bu texniki göstəricilər təyyarərinin foto çəkməsi və casusluq etməsi üçün yaxşı imkan yaradır. 
 

/ANSPRESS/