Klinton rəsmən namizəd oldu
27.07.2016 10:56 Dünyadan reaksiya 1206
ABŞ-ın sabiq dövlət katibi Hillari Klintonun namizədliyi Demokratlar Partiyası tərəfindən rəsmi olaraq ABŞ prezidenti postuna irəli sürülüb. Beləliklə, Hillari Klinton ABŞ-ın tarixində prezident postuna ilk qadın namizəd olub.
Milli.Az APA-ya istinadən xəbər verir ki, partiyanın Filadelfiyada keçirdiyi qurultayında baş tutan səsvermə zamanı Klinton tələb olunan 2383 səs toplayıb.
Keçirilmiş praymerizlərin yekununda Klinton qurultay iştirakçılarından 2800-dən çoxunun səsini toplayaraq partiya üzrə əsas rəqibi Berni Sandersi (2700-dək səs toplayıb) üstələyib.
Prosedura əsasən, Klinton bundan sonra prezident seçkilərində iştirakına rəsmi razılığını verməlidir. Klintonun iyulun 28-nə nəzərdə tutulmuş çıxışı qurultayın final tədbiri olacaq.
ABŞ-da prezident seçkiləri noyabrın 8-də keçiriləcək.
Şərhlər