Türkiyənin ədliyyə naziri ABŞ-ın baş prokuroru ilə Gülənin ekstradisiyasını müzakirə edəcək

11.10.2016 22:54     Dünyadan reaksiya     1103

Türkiyənin ədliyyə naziri Bəkir Bozdağ 26-27 oktyabr tarixlərində ABŞ-a planlaşdırılan səfəri zamanı bu ölkənin baş prokuroru Loretta Liçlə görüşmək niyyətində olduğunu bildirib. Reaksiya xəbər verir ki, APA - nın Türkiyə mətbuatına istinadən verdiyi xəbərə görə,  nazir bildirib ki, görüş zamanı Abdulla Gülənin Türkiyəyə ekstradisiyası məsələsi müzakirə olunacaq.   

“Mən oktyabrın 25-də ABŞ-a yola düşəcəm. ABŞ-ın baş prokuroru ilə görüş  oktyabrın 26-27-nə planlaşdırılıb. FETÖ-nün təsisçisi və rəhbərinə qarşı ABŞ-a təqdim edilən hüquqi sənədlərin və çevriliş cəhdi ilə əlaqədar onun həbsinə dair bizim sorğumuzun müzakirəsi səfərin əsas məqsədidir”, - deyə Bozdağ jurnalistlərə bildirib.