Ərdoğan: “Növbəti hədəf Əl-Bab şəhəridir”
18.10.2016 15:46 Dünyadan reaksiya 1099
Türkiyənin Suriyada həyata keçirdiyi “Fərat qalxanı” əməliyyatı çərçivəsində müxalif Azad Suriya Ordusunun növbəti hədəfi İŞİD terror təşkilatının Suriyada ikinci əsas mərkəzi sayılan Əl-Bab şəhəridir.
Türkiyənin NTV telekanalının verdiyi məlumata görə, bu sözləri akademik təhsil ilinin açılışında çıxış edən Türkiyə prezidenti Rəcəb Tayyib Ərdoğan bildirib.
Türkiyə prezidenti deyib ki, tarixi baxımdan əhəmiyyətli Dabıkın azad edilməsindən sonra İŞİD terrorçuları Əl-Baba qaçır: “Türkiyənin cənubunda terror qurşağı yaradılmasına yol verilməyəcək. Bunu dost da, düşmən də bilməlidir. Əl-Bab İŞİD-dən təmizlənəcək. Daha sonra Münbic də PKK-nınSuriya qolu olan PYD-dən, onun silahlı qolu YPG-dən təmizlənəcək. ABŞ-a da dedik ki, Münbicdə PYD-YPG olmayacaq. Əgər Rakkada əməliyyat keçirək deyirlərsə, İŞİD oradan da təmizlənib gedər. İndi bu barədə müzakirələr aparılır. Hədəf Suriyanın şimalında, Türkiyənin cənubunda 5 min kvadratmetr təhlükəsizlik zolağının yaradılmasıdır”.
Şərhlər