Türkiyədə növbəti terror: 1 ölü, 20 yaralı
23.10.2016 16:12 Dünyadan reaksiya 951
Bu gecə PKK terror təşkilatı Türkiyədə növbəti dəfə terror aktı törədib.
“Doğan” agentliyi xəbər verir ki, Bingöl vilayətinin Genc rayonunda terrorçular inzibati binanın yaxınlığında yerləşdirdikləri avtomobili partladıblar. Yaxınlıqdan polis maşını keçərkən uzaqdan idarə edilən qurğunun işə salınması və partladılması nəticəsində 1 polis şəhid olub, daha 20 nəfər isə yaralanıb. Yaralılardan 6-sı polis, 14-ü isə mülki şəxslərdir.
Hadisə nəticəsində ətrafdakı evlərə və iş yerlərinə də xeyli ziyan dəyib.
Bölgədə anti-terror əməliyyatına start verilib.
Şərhlər