ABŞ İrana qarşı sanksiyaların müddətini uzadıb

04.11.2016 09:14     Dünyadan reaksiya     1114

ABŞ prezidenti Barak Obama1979-cu ildən İrana qarşı tətbiq edilən sanksiyaların müddətini daha bir il uzadılmasına dair qərar verib.  

“İranla münasibətlərimiz hələlik normal həddə çatmayıb... Bu səbəbdən 1979-cu ilin noyabrın 14-də elan olunmuş sanksiyalar rejimi 2016-cı ilin noyabrın 14-dən sonra da davam etdirilməlidir. Bununla əlaqədar mən İrana qarşı sanksiyaların müddətini uzatmağa qərar verdim”, - deyə Obamanın məktubunda bildirilir.  

Bundan əvvəl yayılmış məlumatda bildirilmişdi ki, ABŞ Konqresinin Nümayəndələr Palatası noyabrın sonunda İrana qarşı sanksiyalar haqqında qanunun daha 10 il müddətinə uzadılması məsələsinə baxacaq.