Hələb: Dağıntılara məruz qalan şəhər
17.12.2016 18:05 Dünyadan reaksiya 1304
Suriyadakı Hələb şəhərinin şərqində həyata keçirilən təxliyə ilə bağlı hadisələr həftə boyu xəbər başlıqlarında qalıb. Ötən həftə Hələbi 6 min adam tərk edib. Lakin əməliyyat cümə günü qəfil dayandırılıb. BBC üsyançıların əlində olan rayonları tərk etmiş insanların şəkillərini bir araya gətirib.
-
Şərqi Hələbin Bustan əl-Qars rayonunu tərk edən üsyançılar ardınca buranı arxada qoyub çıxmağa tələsən dinc sakinlər.
-
Hələbin şərqindəki bir çox rayon dağıntılar içindədir. Xarabalıqlarda yaşayan insanlar bəzən ailə üzvləri və yaxınlarını tapa bilmirlər.
-
Vaxtilə üsyançıların əlində olan Bustan əl-Qars rayonunu tərk etmiş bu oğlan hökumət qüvvələrinin nəzarətindəki Fardos rayonuna gəlib.
-
Suriya əsgərləri Fardosa gələn sakinləri salamlayırlar.
-
Bu Suriyalı qadın Fardosa uşaqları ilə birlikdə gəlib.
-
Bəzi sakinlər hava zərbələrinə məruz qalan evləri tərk ediblər.
-
Şərqi Hələbin Əl-Qalase rayonu. Bəzi küçələr o qədər dəyişib ki, onları tanımaq mümkün olmur.
Şərhlər