Türkiyə Prezidenti Rəcəb Tayyib Ərdoğan Almaniya kansleri Angela Merkelin İŞİD-lə bağlı işlətdiyi “İslamist terror” ifadəsinə sərt reaksiya verib.
Axar.az xəbər verir ki, türk lider Merkelə bu ifadənin doğru olmadığını bildirib.
“İslamist terror ifadəsi müsəlmanları ciddi şəkildə üzür. Belə bir ifadə işlədilə bilməz. Doğru deyil. Çünki İslam dini ilə terror bir araya gəlməz. İŞİD-dən dolayı “İslamist terror” ifadəsini işlətsək çox üzücü olar. Mən müsəlman prezident olaraq bunu qəbul etmirəm. Xahiş edirəm, bu ifadəni işlətməyək”, - Ərdoğan bildirib.
Merkel isə “İslami” ilə “İslamist” sözləri arasında fərqlər olduğunu bildirib:
“Din azadlığı mənim üçün çox önəmlidir və demokratiyanın bir parça olaraq görürəm. Müsəlmanların azad yaşaması üçün əlimizdən gələni edirik. İslami ilə islamist arasında fərq var”.
Şərhlər