Rusiyanın dəhşətli "ölüm qırıcısı"
03.05.2017 11:57 Dünyadan reaksiya 1324
Rusiyanın 5-ci nəsil T-50 (PAK FA) qırıcısı hərbi gəmiləri də məhv edə biləcək.
Bu barədə Rusiyanın “İzvestiya” qəzeti yazıb. Nəşrin iddiasına görə, təyyarənin silah arsenalına müasir X-35UE taktiki raketi əlavə olunub.
“Bu raket desant katerlərindən təyyarədaşıyan gəmilərə qədər, bütün dəniz hədəflərini, eləcə də yerüstü obyektləri məhv etmək imkanına malikdir. Məhz bu funksiyasına görə raketə "Gəmi qatili" adı verilib. X-35UE T-50-ni təkcə qırıcı deyil, həm də çoxfunksiyalı hərbi maşına çevirir”, - nəşr hərbi mənbələrə istinadla vurğulayıb.
Qeyd edək ki, 5-ci nəsil T-50 təyyarələri Su-27-ləri əvəz etmək üçün yaradılıb. 2020-ci ilə kimi Rusiya ordusuna 55 ədəd T-50 veriləcəyi gözlənilir.
Şərhlər