"Qətərli qardaşlarımızdan müsbət cavab gözləyirik"
04.07.2017 13:20 Dünyadan reaksiya 1190
Səudiyyə Ərəbistanının xarici işlər naziri Adil Əl-Cubeyr Qətərlə bağlı önəmli açıqlamalar verib.
"Ölkə.Az" xəbər verir ki, Əl-Cubeyr Ciddə şəhərinə səfər edən Almaniya xarici işlər naziri Ziqmar Qabriel ilə verdiyi mətbuat konfransında önəmli məqamlara toxunub.
Qətərə göndərilən tələblərə müsbət cavab almağa ümid etdiyini bildirən nazir deyib: "Səudiyyə Ərəbistanı, BƏƏ, Bəhreyn və Misir böhranı həll etmək üçün qətərli qardaşlarımızdan müsbət cavab gözləyir".
Səudiyyəli diplomat eyni zamanda qeyd edib ki, Qətərin cavabına görə dörd ölkə mövqeyini təyin edəcək: "Qətərə aid tədbirlər Qətərin özünə və dünyaya ziyan vuran siyasi görüşlərini dəyişdirmək üçün alınıb. Bir cavab gözləyirik və gələcəkdəki mövqeyimizi təyin etmək üçün bu cavab üzərində işləyəcəyik".
Şərhlər