Ermənistan ordusunda baş verənlər ictimaiyyətdən gizlədilir
25.08.2017 23:09 Dünyadan reaksiya 1408
Reaksiya.az xəbər verir ki, erməni sosial şəbəkə istifadəçiləri Ermənistan ordusunda iki hərbçinin yaralanması ilə nəticələnən növbəti hadisə haqqında məlumatlar yayıblar. Avqustun 20-də Ermənistan silahlı qüvvələrinin Ağdərədə yerləşən hərbi hissələrindən birində baş verən növbəti hadisə zamanı iki hərbi qulluqçu ağır yaralanıb.
Artilleriya qurğusunun lafetinin zərbəsi nəticəsində müxtəlif dərəcəli ağır bədən xəsarətləri alan Qrişa Savoyan və Manvel Sadoyan adlı hərbi qulluqçular təcili olaraq hərbi hospitala yerləşdiriliblər. Çoxdan köhnəlmiş qurğudan atış çalışmasını yerinə yetirən top heyətinin səriştəsizliyi və təcrübəsizliyi ucbatından baş verən hadisənin ictimaiyyətdən gizlədilməsinin əsas səbəbi, son vaxtlar belə hadisələrin həddindən çox baş verməsidir.
Ağır yaralanan hərbi qulluqçular Q. Savoyan və M. Sadoyanın yaxınları bu hadisə barədə sosial şəbəkədə paylaşıblar.
Qonşu ölkədə ictimaiyyətin narahatçılığına səbəb olan ən maraqlı məqam, işğalçı ordunun rəhbərliyinə mülkü şəxsin, eləcə də hərbi hissələrə savadsız və qeyri peşəkar şəxslərin təyin edilməsi ilə Ermənistan ordusunda müxtəlif hadisələr və hərbi cinayətlər nəticəsində qeyri-döyüş şəraitində ölən və yaralananların sayının durmadan artmaqda davam etməsidir.
Şərhlər