30 F-16, PKK düşərgələrini bombalayır

30.07.2015 20:13 Dünyadan reaksiya 3540

Şırnak Görmeç Bazası Bölgəsində üç əsgərin şəhid edilməsindən sonra təyyarələr yenə havaya qalxıb.

Şırnakda bu gün 1-i zabit 3 hərbçinin şəhid edilməsindən sonra PKK-ya qarşı Küpeli dağında vertolyotların dəstəyi ilə əməliyyat davam edərkən, Diyarbakır 8-ci Ana Jet Bazasından havalanan döyüş təyyarələri isə növbəti dəfə PKK-nın İraqın şimalındakı düşərgələrini havadan bombalayıb.

Reaksiya.az Türkiyə mətbuatına istinadən xəbər verir ki, Şırnak səhra və Şimali İraqdakı PKK düşərgələrinə istiqamətli bombardmanda 30 F-16 iştirak edib.

İraq Kürdüstan Vətənpərvərlər Birliyinin (İKYB) rəsmi internet saytında “Flaş xəbər” kimi təqdim edilən xəbərə görə, döyüş təyyarələri PKK-nın Zap, Metina və Haftanin bölgələrindəki düşərgələrini bombalayıb. Türk döyüş təyyarələrinin Qare dağının üstündə də uçuş həyata keçirdiyi bildirilib.