ABŞ Türkiyənin Rusiya ilə yaxınlaşmasından narahatdır
13.10.2017 11:22 Dünyadan reaksiya 1275
Türkiyənin Rusiyadan S-400 raket əleyhinə müdafiə sistemlərini alması problemlər yaradıb.
Bu sözləri ABŞ-ın NATO-dakı xüsusi nümayəndəsi Key Beyli Xatçison deyib.
O bildirib ki, NATO ölkələri Türkiyənin bu hərəkətindən narahatdır: “S-400 sistemləri NATO-nun istifadə etdiyi komplekslərlə uzlaşmır”.
Xatçison əlavə edib ki, ABŞ Türkiyənin Rusiya ilə yaxınlaşmasına qarşıdır.
Bununla belə K.Xatçison Türkiyənin ABŞ-ın əsas tərəfdaşı olduğunu, Vaşinqtonun Ankara ilə əməkdaşlıqda maraqlı olduğunu vurğulayıb.
"ABŞ Türkiyənin Rusiya ilə yaxınlaşmasını istəmir. Bu bizim marağımızda deyil. Bu heç Türkiyənin özünün də marağında deyil”, - deyə ABŞ-ın NATO-dakı daimi nümayəndəsi qeyd edib.
Şərhlər