Rusiyalı hakerlər Pentaqonun kompyuter sistemini qırıblar

07.08.2015 05:44     Dünyadan reaksiya     1600

Pentaqonun kompyuter sistemi Rusiyalı hakerlərin “mürəkkəb kiber hücumu”na məruz qalıb.

Reaksiya.az-ın APA-ya istinadən verdiyi xəbərə görə, bu barədə NBC News telekanalı məlumat yayıb.  Məlumata görə, iyulun 25-də törədilmiş kiber hücum barədə ABŞ hakimiyyətindən bildirilib.

Məlumata əsasən,  hakerlər məxfiləşdirilməmiş elektron məktubların mübadiləsi sistemini qıraraq Pentaqonun 4 mindən çox əməkdaşının məlumat bazasına daxil olublar.

Bundan əvvəl rusiyalı hakerlərin Twitter-də yayılmış virus vasitəsilə Ağ Evin  kompyuter şəbəkəsinə daxil olduğu  barədə məlumat yayılıb.