"Hər 5 nəfərdən biri təhlükəli səhvlər edir"

13.08.2015 15:51 Dünyadan reaksiya 1028

NASA-nın apardığı araşdırmalara görə, hava nəqliyyatı idarəçiləri gərgin işlə əlaqədar təhlükəli səhvlər edirlər.

Reaksiya.az AZƏRTAC-a istinadən xəbər verir ki, araşdırmada iştirak edən hər beş hava nəqliyyatı idarəçisindən biri təyyarələri havada çox yaxın məsafəyə gətirərək bəzi ölümcül səhvlər etdiklərini deyib.

Araşdırmada iştirak edənlərin yarısı isə səhvlərin həddindən artıq yorğunluqdan irəli gəldiyini söyləyiblər.

Araşdırmada hava nəqliyyatı idarəçilərinin gündə orta hesabla altı saatdan az yatdıqları müəyyən olunub. Gecə növbəsi işçiləri isə orta hesabla üç saat yatırlar.