"Müsəlman qardaşları" Misir xalqını meydana çağırdı

14.08.2015 14:47     Dünyadan reaksiya     2080

Misirdə “İxvan-ül-Müslimin” Hərəkatı Rabia Meydanındakı iğtişaşların ikinci ildönümü ilə bağlı mitinqlərə çıxmaq çağırışı edib.

Reaksiya.Az-ın məlumatına görə,bu barədə hərəkat öz rəsmi vebsaytında açıqlama yerləşdirib.

“İxvan” bu gün Misirdə etiraz aksiyalarının keçiriləcəyini qeyd edərək, misirliləri Rabia qurbanlarını yad etməyə çağırıb. Hadisələrdə 2 mindən çox insanın qarşıdurmada öldüyü bildirilir.

Mərkəzi ABŞ-da yerləşən “Human Rights Watch” beynəlxalq təşkilatı iki il əvvəl Misirin “Rabiatül-Ədəviyyə” meydanında yüzlərlə insanın həyatını itirməsi istiqamətində beynəlxalq istintaq başlanılmasını tələb edib.

Təşkilat Misir hakimiyyəti tərəfindən indiyə qədər qətliama məsuliyyət daşıyan bir hüquq-mühafizə əməkdaşının və  məmurun həbs olunmadığını bildirib və Rabia 2013-cü ilin iyun-iyul aylarında işlənən cinayətlərin araşdırılması üçün komissiya yaratmağa çağırıb.