Qazaxıstanda fövqəladə vəziyyət rejimi ləğv edilib

19.01.2022 09:10     Dünyadan reaksiya     374

Qazaxıstanda fövqəladə vəziyyət rejimi ləğv edilib.

"Report" bu barədə TASS-a istinadən xəbər verir.

Məlumata görə, bütün ölkədə konstitusiya quruluşu bərpa edilib, lakin bəzi bölgələrdə antiterror əməliyyatı hələ də davam edir.

Xatırladaq ki, yanvarın 5-də Prezident Kasım-Jomart Tokayev artan iğtişaşlar və qırğınlar fonunda fövqəladə vəziyyətin tətbiqi haqqında fərman imzalayıb. Rejim yanvarın 19-u yerli vaxtla saat 00:00-dək tətbiq edilib.

Yanvarın 12-də vəziyyət sabitləşdiyi üçün Qərbi Qazaxıstan, Pavlodar və Şimali Qazaxıstan vilayətlərində fövqəladə vəziyyət ləğv edilib. İki gün sonra, yanvarın 14-də prezident Çimkent, Şərqi Qazaxıstan, Qaraqanda, Türküstan, Akmola və Kostanay vilayətlərində rejimin ləğvi haqqında fərmanlar imzalayıb.