ABŞ sovet tanklarının Ukraynaya verilməsinə kömək edəcək
02.04.2022 12:04 Dünyadan reaksiya 289
ABŞ Donbasda Ukrayna ordusunun imkanlarını gücləndirmək üçün sovet istehsalı olan tankların bu ölkəyə verilməsində vasitəçi olacaq.
APA xəbər verir ki, bu barədə “The New York Times“ nəşri ABŞ administrasiyasındakı mənbəyə istinadən məlumat yayıb.
Xəbərə görə, Birləşmiş Ştatlar münaqişədən sonra ilk dəfə olaraq Ukraynaya sovet tanklarının təhvil verilməsi prosesində vasitəçi kimi çıxış edəcək. Prosess yaxın vaxtlarda başlaya bilər.
Nəşr Ukrayna hərbçilərinə veriləcək texnikanın miqdarını açıqlamır.
Həmçinin Kiyevə tankların verilməsində hansı ölkələrin iştirak edə biləcəyi də məlum deyil.
“The New York Times“ iddia edir ki, ABŞ-ın Kiyevə sovet tipli tankların təhvil verilməsinə töhfə verməsi barədə qərar prezident Vladimir Zelenskinin xahişindən sonra verilib.
Şərhlər