ABŞ Bolqarıstana tank göndərdi

20.08.2015 14:23     Dünyadan reaksiya     1731

Bolqarıstandakı “Novo Selo” bazasında xidmət edən ABŞ Dəniz Piyadaları 4 ədəd “M1 Abrams” tipli döyüş tankı və bir sıra ağır silahla təchiz ediləcək.

Reaksiya.az xəbər verir ki, ABŞ-ın Rusiyadan gələ biləcək hücumlara mane olma strategiyası çərçivəsində Bolqarıstana göndərdiyi tank və ağır silahlar bu həftə sonu “Novo Selo” bazasına çatacaq.

Ağ Evin Avropa Dəniz Piyadaları üzrə məntəqəsinin komandanı Riçard Ulsh Bolqarıstana yollanan hərbi texnikalar arasında 4 ədəd “M1 Abrams” tipli döyüş tankı, 3 ədəd “Howitzer” topu və 6 yüngül zirehli kəşfiyyat texnikası olduğunu açıqlayıb.

ABŞ-ın Şimali Karolina ştatından Almaniyaya çatdırılan texnikanın qatarlarla Bolqarıstandakı “Novo Selo” bazasına çatdırılması planlaşdırılır.