Priqojinin təyyarəsi 4-cü dəfə Belarusa uçdu

18.07.2023 13:11     Dünyadan reaksiya     318

"Vaqner" PMC-nin yaradıcısı Yevgeni Priqojinin təyyarəsi iyulun 18-də səhər saatlarında Rusiya rəhbərliyinə qarşı uğursuz üsyandan sonra dördüncü dəfə Belarusa uçub.

"Reaksiya.az" xəbər verir ki, bu barədə “Belaruski Qayun” məlumat yayıb.

"Saat 11:05-də Yevgeni Priqojinin "Embraer Legacy 600" biznes-jeti (qeydiyyat nömrəsi RA-02795) Maçulişdəki hərbi aerodromda yerə enib. Bizdə olan məlumata görə, təyyarə Sankt-Peterburqdan Belarusa uçub".

Priqojinin təyyarəsi son vaxtlar 4-cü dəfədir ki, Belarusa gəlir.

Təyyarə iyunun 27-də, iyulun 1-də və iyulun 11-də də Belarusa uçub. Priqojin iyulun 11-dən 12-nə keçən gecə Osipoviç yaxınlığındakı çadır şəhərciyində gecələyib.