Putin ölən əsgərlərə “salam” göndərdi

18.07.2023 15:28     Dünyadan reaksiya     768

Rusiya Prezidenti Vladimir Putin İrkutsk vilayətinin qubernatoru İqor Kobzevlə görüşüb. Onlar hərbi əməliyyat iştirakçıları və onların ailə üzvlərinə dəstək tədbirlərini müzakirə ediblər. Müzakirə zamanı Putin Kobzevə ondan ölən hərbçilərə salam deməyi xahiş edib.

"Reaksiya.az" Putinlə Kobzev arasında keçirilən görüşün stenoqramından bir parçanı təqdim edir:

İvan Kobzev: Ən əsası, Vladimir Vladimiroviç... fürsətindən istifadə edərək sizə deməliyəm. Bunlar bizim…

Vladimir Putin: Hərbçilərdir.

İvan Kobzev: Bəli, burada ən vacib mesaj onların yazdıqları ifadədir: “Biz sizi ruhdan salmayacağıq!” ...Sibirlilər etibarlı adamlardır.

Vladimir Putin: Heç bir şübhə yoxdur.

İvan Kobzev: Bəli, onlar həmişə öz əzmkarlığı, mərdliyi və cəsarəti ilə tanınıblar.

Vladimir Putin: Güclü uşaqlardır.

İvan Kobzev: Bəli... Bizim 192 İrkutsk vətəndaşımız dövlət mükafatları - orden və medallarla təltif edilib. Onlardan ən gənci Rusiya Qəhrəmanı, ötən ilin martında Mariupolda həlak olan sıravi Eduard Dyakonovdur, o, qumbaranın üstünə atılıb, əsgər yoldaşlarını xilas edib... Bu, bizim üçün çox dəyərlidir, bizim üçün onların hamısı qəhrəmandır, yaddaşımızda, qəlbimizdədir.

Vladimir Putin: Hamısına salam deyin...