ABŞ səfiri Trampın NATO-ya qarşı fikirlərini "təhlükəli və məsuliyyətsiz" adlandırıb
13.02.2024 19:45 Dünyadan reaksiya 81
![](https://img.reaksiya.az/news/2024/02/photo_36659.jpg)
ABŞ-nin NATO-dakı səfiri keçmiş prezident Donald Trampın NATO alyansına qarşı son tənqidlərini "təhlükəli və məsuliyyətsizlik" adlandırıb.
Reaksiya.az xəbər verir ki, bunu ABŞ-ın NATO-dakı səfiri Culianna Smit onlayn mətbuat konfransında deyib.
"Kremli hər hansı bir NATO müttəfiqi və ya müttəfiq ərazisinə hücum etməyə təşviq etmək, həqiqətən də bizim əsgərlərimizi - ABŞ əsgərlərini və müttəfiqlərimizin əsgərlərini - daha böyük təhlükə altına qoyur. Bunu etmək, bu tip bəyanatlar vermək təhlükəlidir və açığı, məsuliyyətsizlikdir", - amerikalı diplomat deyib.
Xatırladaq ki, bu həftəsonu Tramp bildirib ki, o, Rusiyanı "hesablarını ödəyə bilməyən" NATO müttəfiqlərinə "istədiyini etməyə" təşviq edəcək. Trampın bu şərhi Ağ Evdə, NATO-nun qərargahında və müttəfiq paytaxtlarında tənqidə səbəb olub.
Şərhlər