Navalnının ölümü: Rusiya səfiri XİN-ə çağırıldı
21.02.2024 10:30 Dünyadan reaksiya 126
Rusiyanın Lissabondakı səfiri Mixail Kamınin Aleksey Navalnının ölümü ilə bağlı Portuqaliya Xarici İşlər Nazirliyinə çağırılıb.
Reaksiya.az xəbər verir ki, bu barədə ölkənin Xarici İşlər Nazirliyinin saytında dərc olunan məlumatda deyilir.
Səfirin nazirliyə çağırılmasına səbəb kimi Kremlin Rusiya müxalifətinin lideri Aleksey Navalnının ölümünə şərh verməməsi göstərilib.
Qeyd edək ki, fevralın 17-də Böyük Britaniya Xarici İşlər Nazirliyi Navalnının ölümü ilə bağlı Rusiya səfirinin müşavirini çağırıb. Ardınca Rusiya diplomatları İspaniya, Latviya, Litva, Niderland, Norveç, Polşa, Finlandiya, Fransa, Almaniya, İsveç, İtaliya və Estoniyanın Xarici İşlər nazirliklərinə də çağırılıb.
Xatırladaq ki, fevralın 16-da A.Navalnı həbsxanada ölüb.
Şərhlər