Belarusda seçici aktivliyi rekord qırır
25.02.2024 14:00 Dünyadan reaksiya 133
![](https://img.reaksiya.az/news/2024/02/photo_37165.jpg)
Belarusda keçirilən parlament seçkilərində yerli vaxtla saat 09:00-da (Bakı vaxtı ilə 10:00) seçici fəallığı 43,64% təşkil edib.
Reaksiya.az yerli mediaya istinadla xəbər verir ki, bu barədə Belarus Mərkəzi Seçki Komissiyasının rəhbəri İqor Karpenko mətbuat konfransında bildirib.
"Saat 9 üçün ilk məlumat var: seçkilərdə iştirak 43,64% təşkil edib", - Karpenko bildirib.
Onun sözlərinə görə, ən yüksək aktivlik Mogilyov vilayətində (54%), ən aşağı aktivlik isə Minsk şəhərində (31%) qeydə alınıb.
Qeyd edək ki, Belarusda parlamentin aşağı palatası və yerli deputatlar şuralarına seçkilər keçirilir. Beş il müddətinə yerli şuraların 12514, parlamentin aşağı palatasının isə 110 deputatının seçilməsi planlaşdırılır.
Şərhlər