PUA hücumu: Rusiyada yanacaq bahalaşdı
14.03.2024 18:15 Dünyadan reaksiya 74
![](https://img.reaksiya.az/news/2024/03/photo_37862.jpg)
Sankt-Peterburq beynəlxalq əmtəə və xammal birjasında Aİ-95 markalı benzinin qiyməti bir ton üçün 60 min rublu keçib.
Reaksiya.az xəbər verir ki, bu barədə RBC məlumat yayıb.
“Hələlik səhmlərin bahalaşmasına yalnız neft emalı zavodlarının fəaliyyətinin dayandırılması barədə tələb, eləcə də təklif balansı ilə əlaqədar narahatlıqlar səbəb olur. Müəssisələrə dəyən zərərin həcmi bəlli deyil. İlkin neft emalı zavodlarının zədələndiyi ortaya çıxsa, yalnız müxtəlif markalı benzinin deyil, dizel yanacağının da istehsalı azalacaq. Bazar vəziyyəti potensial olaraq ciddidir, ona görə də alıcılar mal alarkən özlərini sığortalayırlar”, - məlumatda deyilir.
Qeyd olunur ki, 2024-cü il martın 1-dən Rusiyada yanacağın ixracına qadağa yenidən tətbiq olunub, lakin birjada benzin bahalaşmaqda davam edir:
“Rusiyada iri neftayırma zavodlarına PUA hücumu fonunda avtomobil yanacağının qiyməti qalxır”.
Şərhlər