İrəvanda qumbara, avtomatlarla əsl savaş – yaralılar var
15.03.2024 12:30 Dünyadan reaksiya 79
İrəvanda yenə atışma baş verib, deputatın maşını zədələnib.
Reaksiya.az xəbər verir ki, bu barədə Ermənistan mətbuatı məlumat yayıb.
“Saat 00:20 radələrində Ermənistanın polis şöbəsinə bildirilib ki, təcili tibbi yardım stansiyasına atışma nəticəsində vətəndaşların yaralanması ilə bağlı çağırış gəlib. Zərərçəkənlərin köməyinə ilk olaraq həkimlər, patrul əməkdaşları və hadisə şahidləri gedib. Polis hadisə yerində müxtəlif növ odlu silahlardan atılmış çoxlu sayda işlənmiş patron, partlayan qumbaranın hissələri, qan izləri, atəş nəticəsində zədələnmiş avtomobillər, o cümlədən millət vəkilinin avtomobilini aşkar edib”, - məlumatda deyilir.
Qeyd olunur ki, iki vətəndaş hadisə yerindən İrəvanın müxtəlif xəstəxanalarına aparılıb:
“Hadisənin bəzi detalları müəyyən edilib, şübhəlilər var, onlar axtarışa verilib. İstintaqın maraqları baxımından hadisənin baş vermə şəraiti və zərərçəkənlərin kimliyi açıqlanmır”.
Şərhlər