Fransa ordusu müharibəyə hazırlaşır - General
20.03.2024 13:15 Dünyadan reaksiya 91
![](https://img.reaksiya.az/news/2024/03/photo_38061.jpg)
Fransa NATO üzvü kimi böyük sərvətlərə malikdir. Nüvə təhlükəsinin qarşısının alınması ilə yanaşı, təlim keçmiş və müttəfiq ordularla qarşılıqlı fəaliyyət göstərə bilən qüvvələrə malikdir.
Reaksiya.az xəbər verir ki, bunu Fransa ordusunun Baş Qərargah rəisi general Pyer Şil “Le Monde” üçün yazdığı məqaləsində bildirib.
O qeyd edib ki, dövlətlərin suverenliyinə, beynəlxalq hüquqa və mübahisələrin danışıqlar yolu ilə həllinə əsaslanan dünya nizamı layihəsi iflasa uğrayıb.
“Avropa ölkələrinin dinc istəklərinə zidd olaraq, qitəmizin kənarlarında yaranan münaqişələr müharibənin qayıdışına deyil, münaqişələrin həllinin hamılıqla qəbul edilmiş üsulu kimi onun davamlılığına dəlalət edir", - general deyib.
Onun sözlərinə görə, Fransa güc balansına və yeni müharibə formalarına gəldikdə bir sıra mühüm üstünlüklərə malikdir:
"Çünki coğrafi mövqeyinə və Avropa Birliyindəki “rifahına” görə heç bir düşmən onun materik sərhədlərini təhdid etmir. Eyni zamanda, nüvə silahının qarşısının alınması Fransanın həyati maraqlarını qoruyur.
Bununla belə, Fransa bütün dünyada baş verən gərginlikdən sığortalanmayıb. Onun beynəlxalq öhdəlikləri var. Onun hər bir coğrafi bölgədə maraqları və əraziləri mödcuddur. Ciddi təhlükə altında olan dövlətlərlə müdafiə sazişləri ilə bağlıdır. Təcavüzdən qorunmaq və maraqlarını qorumaq üçün Fransa ordusu ən çətin döyüşlərə hazırlaşır, bunu aydın şəkildə nümayiş etdirir - sülh istəyirsənsə, müharibəyə hazırlaş".
Şərhlər