Rusiya XİN-dən Zelenskinin terakt ittihamına cavab
24.03.2024 15:15 Dünyadan reaksiya 189
Dövlət başçıları arasında yalnız Ukrayna Prezidenti Vladimir Zelenski terror aktında Rusiyanı günahlandıracaq qədər “ağıllı” çıxdı.
Reaksiya.az xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova Teleqram kanalında yazıb.
“O, mənə rus atalar sözünü xatırlatdı - oğrunun papağı yanır. Heç bir şey Ukrayna liderini bu özünüifşa bəyanatı qədər məhv edə bilməz”, - o bildirib.
Zaxarova qeyd edib ki, Ukrayna hakimiyyəti terror aktına görə Rusiyanı günahlandırır, Vaşinqtonda isə silahlıların hərəkətləri kəskin şəkildə pislənir:
“Ağ Ev və Bankova o qədər yalan danışıblar ki, artıq “ümumi versiya” üzərində razılığa gələ bilməyiblər”.
Qeyd edək ki, Zelenski terror aktına görə Ukraynanı suçladığı üçün Rusiya rəhbərliyinin ünvanına təhqirlər səsləndirmişdi.
Şərhlər