Polşada Avrokorpusun keçmiş rəhbəri məxfi məlumatları açıqlamaqda şübhəli bilinir

29.03.2024 10:00     Dünyadan reaksiya     72

Çərşənbə günü Polşada Avrokorpus komandiri vəzifəsindən azad edilən general Yaroslav Qromadzinski məxfi məlumatları açıqlamaqda şübhəli bilinir.

Bu barədə Polşa hərbi əks-kəşfiyyat xidmətinin xəbərində deyilir.

Bundan əvvəl Polşa Milli Müdafiə Nazirliyi Avrokorpusun komandiri general Yaroslav Qromadzinskinin tutduğu vəzifədən azad edildiyini və hərbi əks-kəşfiyyat xidmətinin onu yoxlamağa başladığı barədə məlumat yayıb.

Qeyd edilir ki, 2021-2023-cü illər ərzində hərbi əks-kəşfiyyat xidməti hərbi qulluqçulara, əməkdaşlarına və Milli Müdafiə Nazirliyinin əməkdaşlarına qarşı 150-yə yaxın yoxlamaya başlayıb.

Yoxlama altı aya qədər, xüsusi hallarda isə bir dəfə daha altı aya uzadıla bilər. Proses iki mərhələlidir və bu o deməkdir ki, yoxlanılan şəxs hərbi əks-kəşfiyyat xidmətinin mənfi qərarından Baş nazirlə əlaqə saxlamaqla şikayət hüququna malikdir və mənfi qərar da məhkəmə inzibati nəzarətindən keçir.

Reaksiya.az

Şərhlər