ABŞ İsrailə döyüş təyyarələri və bombaların təhvil verilməsinə icazə verib
30.03.2024 18:00 Dünyadan reaksiya 118
![](https://img.reaksiya.az/news/2024/03/photo_38398.jpg)
Amerika Birləşmiş Ştatları İsrailə milyardlarla dollar dəyərində döyüş təyyarələri və bombalar təhvil verəcək.
Reaksiya.az xəbər verir ki, bu barədə “Washington Post” mənbələrə istinadən yazıb.
Qeyd olunub ki, ABŞ prezidenti Co Bayden administrasiyası Vaşinqtonun Qəzzanın cənubuna gözlənilən hərbi hücumla bağlı narahatlıqlarına baxmayaraq, son günlərdə İsrailə milyardlarla dollar dəyərində bomba və döyüş təyyarələrinin təhvil verilməsinə icazə verib.
Bildirilib ki, tədarüklərə 1800-dən çox “MK84” bombası və 500-dən çox “MK82” bombası daxil olacaq.
Bəzi demokratların fikrincə, İsrail Rəfahda planlaşdırılan əməliyyat zamanı mülki əhalini müdafiə etməlidir. Əks halda ABŞ silah tədarükündən çəkinməlidir.
Şərhlər