Rusiyanın bu bombaları müharibəni dəyişdirir
31.03.2024 13:28 Dünyadan reaksiya 136
Rusiyanın planlı bombaları Ukraynadakı müharibəni dəyişdirir və onlara qarşı heç bir müdafiə yoxdur.
Reaksiya.az xəbər verir ki, bu barədə “Tayms” nəşri yazıb.
“Müharibə başlayandan bəri Ukrayna pilotların şücaəti və “Patriot”, NASAMS, “Gepard”, İRİS-T və SAMP/T kimi müasir Qərb hava hücumundan müdafiə sistemlərinin sayəsində öz səmasını qoruyub. Lakin Sovet dövründən qalma bombaları hədəfə doğru planlamaq üçün modifikasiya edərək və əsas peyk naviqasiya sistemlərini əlavə etməklə Rusiya Donbas üzərində hava hakimiyyəti əldə edir”, - məlumatda qeyd olunub.
Nəşr yazıb ki, Sovet dövründən qalma planlı bombaları ruslara havada üstünlük verir, çünki onları vurmaq çox çətindir. Qərb qırıcıları olmadan, Ukrayna əsgərlərini duadan başqa heç nə qorumayacaq.
Məlumata görə, KAB və FAB planlı bombaları cəbhə xəttinin 60 kilometrdən çox arxasından atılaraq bir neçə dəqiqə ərzində hədəfləri vura bilir:
“Hələlik bu bombalar qeyri-dəqiqdir, buna görə də rus generalları hədəfi yaxşılaşdırmağın yollarını axtarırlar. Müharibənin ilk iki ilində onlar öz qırıcılarının müdafiəsinə həssas yanaşırdılar. Lakin bu bombaları daha dəqiq atmaq üçün rus pilotları Ukraynanın hava hücumundan müdafiə sistemlərinə daxil olaraq, cəbhə xəttinə təhlükəli şəkildə yaxınlaşmalıdır”.
Şərhlər