“Crocus City Hall”dakı terrorda təqsirləndirilən on birinci şəxs həbs edilib
05.04.2024 19:47 Dünyadan reaksiya 172
Moskvanın Basman məhkəməsi “Crocus City Hall” konsert zalına hücum etməkdə təqsirləndirilən on birinci şəxsi, Tacikistan vətəndaşı Məhəmməd Şaripzodanı həbs edib.
Reaksiya.az xəbər verir ki, bu barədə TASS məlumat yayıb.
Məlumata görə, məhkəmə onun barəsində mayın 22-dək həbs qətimkan tədbirinin seçilməsi barədə qərar qəbul edib.
Xatırladaq ki, martın 22-də Moskva vilayətinin Krasnoqorsk şəhərində “Crocus City Hall” konsert zalında yerli “Piknik” rok qrupunun səhnəyə çıxışı ərəfəsində terror aktı törədilib. Atəş açaraq binaya daxil olan silahlı şəxslər məkanı yandırdıqdan sonra hadisə yerindən qaçıblar.
Son məlumata görə, həmin terror aktı nəticəsində azı 144 nəfər həlak olub, 551 nəfər isə yaralanıb. Eyni zamanda, 95 nəfər itkin düşmüş və ya "hesaba qatılmamış" sayılır.
Şərhlər