Rusiya kütləvi hücuma keçdi, Polşa qırıcıları qaldırdı
06.04.2024 14:30 Dünyadan reaksiya 114
Bu gecə Rusiya Federasiyasının uzaqmənzilli aviasiyasının Ukrayna ərazisində yerləşən hədəflərə raket hücumları ilə bağlı intensiv fəaliyyəti olub.
Reaksiya.az xəbər verir ki, bu barədə Polşa Silahlı Qüvvələrinin Birləşmiş Qərargahının bəyanatında deyilir.
“Polşanın hava məkanının təhlükəsizliyini təmin etmək üçün bütün lazımi prosedurlara başlanılıb və Polşa Silahlı Qüvvələrinin Birləşmiş Qərargahı vəziyyəti daim izləyir”, - məlumatda bildirilib.
Qeyd edilib ki, Polşa və müttəfiqlərin təyyarələri hava məkanında işləyir və bu, xüsusilə ölkənin cənub-şərq hissəsində səs-küy səviyyəsinin artmasına səbəb ola bilər.
Şərhlər