HƏMAS-ın 19 batalyonunu məhv etmişik - Netanyahu

07.04.2024 17:46     Dünyadan reaksiya     238

2023-cü il oktyabrın 7-dən bəri İsrail ordusu Qəzzada HƏMAS-ın 24 batalyonundan 19-nu məhv edib.

Reaksiya.az xəbər verir ki, bunu İsrail Baş naziri Benyamin Netanyahu deyib.

"Bu gün müharibənin başlamasından altı ay keçir. Nailiyyətlər böyükdür: biz HƏMAS-ın 24 batalyonundan 19-nu, o cümlədən yüksək səviyyəli komandirləri məhv etdik. Biz xeyli sayda HƏMAS terrorçusunu öldürdük, yaraladıq və ya əsir götürdük”, - Netanyahu bildirib.

Onun sözlərinə görə, İsrail Rəfah da daxil olmaqla, HƏMAS-ın bütün Qəzzada məhv edilməsini başa çatdırmaqda qərarlıdır.