İsrail və HƏMAS arasında atəşkəsə çox yaxınıq - Bayden

16.08.2024 22:28     Dünyadan reaksiya     367

İsrail və HƏMAS Qəzzada atəşkəs, eləcə də Fələstin hərəkatının saxladığı girovların azad edilməsi ilə bağlı saziş bağlamağa yaxındır.

Bu barədə ABŞ Prezidenti Co Bayden Ağ Evdə jurnalistlərin suallarını cavablandırarkən deyib.

"Biz buna üç gün əvvəlkindən çox, çox yaxınıq. Mən gözə gətirmək istəmirəm, hələ ora çatmamışıq, amma yaxınıq", - o bildirib.

Qeyd edək ki, 15-16 avqustda Dohada Misir, Qətər, ABŞ və İsrail Qəzzada atəşkəslə bağlı danışıqlar aparıblar. HƏMAS rəhbərliyi konkret atəşkəs şərtlərinin olmaması səbəbindən danışıqlarda iştirakdan imtina edib.

Reaksiya.az