Qərar çoxdan verilib: Rusiya Avropada bu məntəqələri vuracaq

17.04.2026 16:07     Dünyadan reaksiya     136

Ukraynanın Avropadakı pilotsuz uçuş aparatlarının (PUA) yığım məntəqələrinə mümkün zərbələr barədə qərar artıq verilib.

Bunu Rusiya Dövlət Dumasının Müdafiə Komitəsinin üzvü Andrey Kolesnik deyib.

“Düşünürəm ki, qərar çoxdan verilib. Sual budur: Nə vaxt tətbiq olunacaq? Ali Baş Komandan zəruri hesab etdikdə, tətbiq olunacaq və zərbələr başlayacaq”, - Kolesnik deyib.

Deputat vurğulayıb ki, Moskva hava silahlarının Avrozona ölkələrindən birbaşa Kiyevin əlinə maneəsiz keçməsinə icazə verməyəcək.

Parlament üzvü qeyd edib ki, Rusiyanın Ukrayna Silahlı Qüvvələrinin gələcək hücumlarının təhlükəsini azaltması lazımdır, ona görə də indi düşmənin vacib və hərbi infrastrukturuna qarşı öz zərbələrini gücləndirməsi vacibdir.