ABŞ-dan Türkiyədəki vətəndaşlarına çağırış: - GERİ QAYIDIN

05.09.2015 00:19     Dünyadan reaksiya     1979

ABŞ hökuməti Türkiyədə yaşayan amerikalı hərbçilərin və diplomatların ailələrini ölkə ərazisini tərk etməyə çağırıb.

Reaksiya.az-ın APA-ya istinadən verdiyi məlumata görə  bu barədə ABŞ Müdafiə Nazirliyinin mətbuat xidmətinin rəhbəri Piter Kuk deyib. ABŞ onlara xərcləri ilə bağlı kompensasiya ödəyəcəyini də bildirib.

Pentaqon Adana şəhəri yaxınlığındakı “İncirlik” hərbi bazasında və ABŞ-ın Adanadakı Baş Konsulluğunda 900 nəfər Amerika vətəndaşının yaşadığını bildirib. Onlara İŞİD-lə mübarizənin güclənməsi fonunda könüllü şəkildə Türkiyəni tərk etmələri təklif olunur. Piter Kuk təklifin hər hansı yeni insidentlə bağlı olmadığını söyləyib: “Adanadakı konsulluq adi rejimdə fəaliyyət göstərməkdə davam edəcək. Bu addım əlavə təhlükəsizlik tədbirləri üçün təklif edilir. Aydındır ki, bizim əməliyyatlardan sonra “İncirlik” bazasında çox şey dəyişib”.