İran prezidenti "ABŞ-a ölüm" deyənləri müdafiə etdi

21.09.2015 15:35     Dünyadan reaksiya     1938

İran prezidenti Həsən Ruhani İranda rejimin lehinə keçirilən mitinqlər və cümə namazlarında tez-tez səsləndirilən "ABŞ-a ölüm” şüarını müdafiə edib.

Reaksiya.az xəbər verir ki, prezident ABŞ-da yayımlanan CBS televiziyasının jurnalisti Stiv Krofta müsahibə verib.

Jurnalistin ABŞ əleyhinə şüarları xatırlatmasına cavab olaraq Ruhani şüarın Amerika xalqını hədəf almadığını, xalqın amerkalılara hörmətlə yanaşdığını bildirib:

"İran xalqı heç bir ölkə ilə müharibə aparmaq niyyətində deyil. Amma ABŞ İran xalqının milli maraqlarına qarşı aksiyalar təşkil edib. Ona görə insanların bu mövzudakı həssaslığı başadüşüləndir”.

Prezident, həmçinin ABŞ-ın Şah Rza Pəhləviyə qarşı qaldırılan üsyanlarda şahı dəstəklədiyini, 8 il davam edən İran-İraq müharibəsində də Səddam Hüseynin yanında olduğunu qeyd edib:

"İran xalqı keçmişi unutmayacaq, amma eyni zamanda da diqqətimizi gələcəyə yönəltməliyik".

Ruhani ABŞ-ın düşmənçilik mövqeyindən əl çəkib xoş niyyətini göstərməsi nəticəsində ikitərəfli əlaqələrin də gələcəkdə dəyişəcəyini vurğulayıb.