Türkiyəli hakimə Avropada vəzifə verildi

22.09.2015 10:30     Dünyadan reaksiya     1887

Türkiyəli hakim Işıl Karakaş Avropa İnsan Haqları Məhkəməsində (AİHM) sədr müavini vəzifəsinə seçilib.

Reaksiya.az xəbər verir ki, AİHM-nin yeni rəhbərliyi bu gün keçirilən seçkilərlə müəyyən olunub.

Gizli səsvermə keçirilən seçkilər nəticəsində İtalyan hakim Guido Raimondi AİHM-nin yeni sədri olub. Türkiyəli hakim Karakaşla Macar hakim Andras Sajo sədr müavini vəzifəsinə gətirilib.

AİHM-nin yeni sədri və sədr müavinləri 1 noyabrda vəzifəyə başlayacaq. Onlar 3 illik müddət üçün bu vəzifələrə seçilib.

Qeyd edək ki, Karakaş 2008-ci ildən bu yana AİHM-də Türkiyənin hakimi vəzifəsində işləyir.

AİHM 1959-cu ildə qurulduğundan bəri Avropa Şurasına üzv ölkələrdə insan haqları pozuntularının cəzalandırılması məsələsində mühüm rol oynayır. AİHM-nin 1950-ci ildə həyata keçirilən Avropa İnsan Haqları Konvensiyasının (AİHS) tətbiqi və üzv ölkələrin nəzarət məsələsində də həlledici rolu var.