UNESCO-nun Moskva bürosu bağlanır

24.09.2015 11:02     Dünyadan reaksiya     2807

Bu gün UNESCO-nun Moskvada bürosu rəsmi şəkildə bağlanır.

Reaksiya.az xəbər verir ki, bu barədə təşkilatın baş ofisindən məlumat veriblər.

Qurumdan bunu ofisin öz vəzifələrini artıq yerinə yetirməməsi ilə əlaqələndiriblər. Bundan sonrakı Parisdəki baş ofislə birgə fəaliyyət xarici işlər naziri Sergey Lavrovun başçılıq etdiyi Rusiya Federasiyasının UNESCO ilə iş üzrə komissiyası vasitəsi ilə həyata keçiriləcək. Komissiyanın məsul katibi Qriqori Orconokidze bildirib ki, Moskva bölməsinin baş ofisdən aldığı maliyyənin Afrika ölkələri üçün olan layihələrə yönəldilməsi qərara alınıb. Lakin bu, mədəniyyət abidələrinin saxlanılmasına, UNESCO-nun siyahısına yeni obyektlərin daxil edilməsinə təsir etməyəcək.

Qeyd edək ki, UNESCO-nun Moskva bürosu təşkilatın Azərbaycan Ermənistan, Belarus, Moldova və Rusiya ofislərini özündə birləşdirir.