"Volkswagen" avtomobillərini təmir etdirəcək

07.10.2015 16:35     Dünyadan reaksiya     1962

Almaniyanın "Volkswagen" (VW) şirkəti yanvar ayından etibarən avtomobillərini təmir etdirəcək.

Reaksiya.az xəbər verir ki, VW-nin yeni icraçı direktoru Matthias Müller bu barədə müsahibə verib.

Müller həll təkliflərini bu həftə içərisində təqdim edəcəklərini söyləyib: "Təklif qəbul edilərsə, dərhal ehtiyat hissə sifarişlərini verəcəyik. Hər şey planlaşdırılan formada davam edərsə, yanvar ayından etibarən təmirə başlanacaq".

O, 2016-cı ilin sonuna qədər qalmaqalda adları çəkilən avtomobillərin hamısının düzəldilməsini qarşılarına məqsəd qoyduqlarını bildirib.

Müller emissiya qazı olan avtomobilllərin sayının bu günə qədər güman edildiyindən daha az olduğunu açıqlayıb: “Avtomobillərin sayı 11 milyon yox, 9 milyon yarımdır”.

Qeyd edək ki, "Volkswagen" şirkətinin istehsal etdiyi avtomobillərdə ətraf mühit standartlarına uyğun olmayan emissiya qazı aşkarlanmışdı.