Rusiya aviasiyası terror obyektlərinə zərbələr endirməyə davam edir

15.10.2015 00:17     Dünyadan reaksiya     1583

Rusiyanın Suriyadakı aviasiyası terrorçuların 40 obyektinə zərbələr endirib.

Reaksiya.az-ın verdiyi məlumata görə, bunu Rusiya Müdafiə Nazirliyinin nümayəndəsi İqor Konaşenkov deyib.

Sutka ərzində 41 döyüş uçuşunun həyata keçirildiyini deyən İ. Konaşenkov aviazərbələrin Hələb, İdlib, Latakiya, Hama və Deyr-əz-Zor əyalətlərini əhatə etdiyini bildirib. Onun sözlərinə görə, nəticədə terrorçuların Hələbdəki təchizat məntəqəsi, habelə terrorçu-kamikadzelərin istifadə etdikləri avtomobillərə partlayıcı qurğuların quraşdırıldığı obyektlər məhv edilib.

Hraytan yaşayış məntəqəsində isə terrorçulara məxsus silah-sursat anbarına aviazərbə endirilib.