Səudiyyəlilər Rus raket sistemi “İskəndər”lə maraqlanır

17.06.2015 12:04     Dünyadan reaksiya     2244

Səudiyyə Ərəbistanının Rusiya istehsalı raket sistemi İskəndər ilə maraqlandığı bildirilir.

“Army-2015” hərbi texnologiya forumunda iştirak edən Səudiyyə heyətindən bir mənbə Rus xəbər agentliyi “TASS”a verdiyi açıqlamada "İskəndərlə bağlı maraqlanırıq. Buna görə də burda qələbəlik heyətlə iştirak edirik" - deyib.

“İskəndər” raket sistemlərini istehsal edən firma “KBM” bu sistemlərin 2016-ci ilə kimi ixrac edilməyəcəyini açıqlamışdı.

Ancaq “İskəndər”in adı xaricə ixrac edilə biləcək hərbi məhsullar siyahısına daxil edilib. Ötən il, sistemin ixracat üçün hazırlanmış versiyası “İskəndər-M” ilə Qazaxıstan da maraqlanırdı.