Çavuşoğlu Lavrova zəng edib

17.06.2015 12:21     Dünyadan reaksiya     1680

Çavuşoğlu Rusiyalı həmkarı ilə İŞİD – lə mübarizəni müzakirə edib

Türkiyə xarici işlər naziri Mevlud Çavuşoğlunun Rusiyalı həmkarı Sergey Lavrovla telefonla söhbətində başda İŞİD olmaqla terror təşkilatlarına qarşı mübarizədə əməkdaşlıq məsələlərini müzakirə etdiyi açıqlanıb

Rusiya Xarici işlər nazirliyindən verilən açıqlamaya görə tərəflər Yaxın Şərq ilə əlaqədar problemləri müzakirə ediblər. Açıqlamada "Telefon danışığı Türkiyə tərəfinin təşəbbüsü ilə aparılıb. Görüşdə nazirlər Suriyalı qaçqınların problemləri, İŞİD və digər terror təşkilatları ilə əlaqədar ümumi mübarizə strategiyasının hazırlanması, Yaxın Şərq və Şimali Afrikada vəziyyət məsələləri müzakirə olunub" - məlumatı verilib.

Görüşdə 30 iyun 2012-ci il tarixli Cenevrə görüşünün tələbləri əsas götürülərək Suriya böhranının siyasi yolla həll edilməsi üçün səylərin artırılması məsələsi vurğulanıb.