Rusiyada "Suriya Kürdüstanı"nın nümayəndəliyi açıla bilər

20.10.2015 02:18     Dünyadan reaksiya     1590

Rusiyada “"Suriya Kürdüstanı"nın rəsmi nümayəndəliyi açıla bilər.

Reaksiya.az-ın APA-ya istinadən verdiyi məlumata görə, bununla əlaqədar Rusiya  xarici işlər nazirliyində Demokratik Birlik Partiyasından olan Suriya kürdlərinin iştirakı ilə məsləhətləşmələrin keçiriləcəyi gözlənilir.

Kürdlərin qənaətinə görə, nümayəndəliyin Moskvada fəaliyyətə başlaması Suriyada İŞİD-ə qarşı mübarizədə tərəflərin əməkdaşlığına köməklik göstərə bilər. Rusiya xarici işlər idarəsində məlumatı hələ ki, təsdiqləməyiblər.

Öz növbəsində, türk diplomatik mənbələrindən “Kommersant”-a bildiriblər ki, bu cür addım rəsmi Ankaranın sərt reaksiyasına səbəb olacaq. Məlum olduğu kimi, Demokratik Birlik Partiyası Türkiyənin parçalanmasına çalışan PKK terror təşkilatının qoludur.