Terrorla bağlı 1600 nəfər tutulub

21.10.2015 03:26     Dünyadan reaksiya     1617

Türkiyədə 3 ay ərzində terrorçuluq fəaliyyətində şübhəli bilinən 1673 nəfər həbs edilib. Bunların 1308 nəfəri PKK, 276-sı İraq-Şam İslam Dövləti (İŞİD) terror qruplaşması ilə bağlılıqda şübhəli bilinirlər.

Reaksiya.az Türkiyə mətbuatına istinadən xəbər verir ki, bu haqda oktyabrın 20-də ədliyyə naziri Kenan İşık məlumat verib.

“İyulun 22-dən bu günədək PKK-nın və onun strukturlarına yaxın olan qruplaşmaların 1308 nəfəri tutulub. Bundan əlavə, 276 İŞİD üzvü, 89 nəfər İnqilabi Xalq-Azadlıq Partiyasının (cəbhəsininn) və digər sol ekstremist təşkilat üzvü saxlanılıb. Saxlanılanların ümumi sayı 1673 nəfərdir”, - nazir deyib.